www.blog.central.is/drekagil

1. sept 2007Það er nú komið munstur í bloggið hjá mér. Blogga greinilega oftast um helgar. Guðni er í vinnunni og verður langt frameftir degi. Við Dagur ætlum bara að dúlla okkur heima. Lena ætlar að kíkja á okkur og hver veit nema að við skellum okkur í sund í rigningunni eða  í bíltúr. Sigrún er hjá okkur og kemur sennilega bara til með að vera heima hjá okkur í dag eða bjóða einhverri vinkonu í heimskókn.Síðuskóli, sem Sigrún er í er búin að taka upp viðtöl við foreldra með börnunum í byrjun skólaárs. Þá er engin skólasetning heldur fá foreldrar hálftíma með kennaranum og þar er farið yfir lista sem sendur var heim þar sem kemur fram hvar barninu finnst það standa best, hvað því vinnst að það þurfi að bæta sig, jákvæðar hliðar og svo framvegis. Ég fór í þetta viðtal með mömmu Sigrúnar og mér finnst þetta mjög frábært. Gott að sjá kennarar svona í byrjun vetrar og fínt að gera sameiginlegan samning sem barnið skrifar undir og reynir að besta megni að halda. Bara gott mál og mér skilst að það séu fleiri skólar hér sem gera þetta. Ég veit líka að kennarar Oddeyrarskóla í 1 og 6 bekk fara í heimsóknir til nemenda og taka viðtölin þar...það finnst mér ennþá flottara. Að mínu mati er það alltaf gott þegar það næst að auka samvinnu skóla og heimilis. Flott framtak. Síðuskóli er líka að taka upp SMT-skólafærni sem tilraunaverkefni sem mér finnst líka frábært. Hef aðeins kynnst PMT-foreldrafærni í leikskólanum og þetta er að gefa mjög góða raun. Fyrir ykkur sem viljið vita meira um SMT og PMT þá eru nánari upplýsingar á http://pmt.akureyri.is/ Well for now Over and school

PS. Búin að komast að því að teljari síðunar er bara í bulli....hahah

Við hjónin höfum aðeins verið að ræða teljarann á síðunni. Ég er ekki alveg að kaupa það að það séu suma daga 20-30 manns að koma hér inn til að lesa eða forvitnast. Guðni er alveg viss um að teljarinn c réttur. Erum semsagt ekki alveg sammála og mig langar til að biðja ykkur sem koma hér inn að legga smá skilaboð eftir. Það þarf ekki að vera mikið og þið sem eruð bara að forvitnast og þekkið mig ekki eða viljið ekki að ég viti að þið séuð að lesa bloggið mitt þurfið ekki að skilja eftir nafn...bara punkt eða kommu og gera mig svo ótrúlega forvitan múhahahahahah. Endilega skiljið eftir spor.

Over and testing

Indið

12 ágúst 2007

Ég veit, ég er alveg ótrúlega löt að blogga. Er sko allaf á leiðinni en finnst þetta að kveikja á tölvunni og finna mér tíma til að setjast niður eitthvað svo erfitt. Tekur tíma frá öðru og sjaldnast getur maður setið ótruflaður við skriftir...eins og þetta séu merkileg skrif.

Núna eru Dagur og Guðni úti að leika. Við erum bara búin að eiga fína helgi. Fórum á fiskidaginn mikla á Dalvík á laugardaginn. Við vorum mætt um kl 11 en þá byrjaði dagskráin og viti menn það var bara allt stappfullt. Búið að loka stæðunum á neðra planinu og allar götur annaðhvort fullar af bílum, tjöldum eða fólki. Fundum loks stæði og skelltum okkur í þvöguna. Sáum Gunna kokk (sem eldar oní mig daglega) dansa með Vefurunum en það er íslenski þjóðdansaflokkurinn hans. Guðni er alveg fráhverfur því núna að stunda þá íþrótt með mér. Síðan löbbuðum við um, komum ekki við hjá FV það var um 50 metra röð enda eru þau best. Komumst samt í fisk og þetta var mjög gott að vanda. Sáum ljótu hálfvitana spila, þeir eru bara snillingar. Skelltum okkur svo á Sigló en þar var Sigrún Lilja að spila á Pæjumóti. Ég ætlaði mér alltaf að skrifa meil á leiksklólann þar og í sparisjóðinn og bjóða uppá skipti á íbúðum en ég kom því ekki í verk, geri það næst.

Erum bara búin að vera í leti í dag, heimilisverk efst á listanum, farið út að leika, settar inn myndir á nýju myndasíðuna. Já Yahoo er að loka myndasíðunni sinni og við erum búin að vera í veseni með að ákveða hvar við eigum að vera. Völdum síðan íslenska síðu og sjáum til hvort hún verði bara ekki fín.

Dagur er bara hress, orðaforðinn verður meiri og meiri. Skilningurinn er alveg ótrúlegur og síðan er hann farinn að hafa skoðanir öllum hlutum. Skapið er oftast gott, hann fer stundum í fílu, snýr sér þá undan og þykist ekki sjá mann. Þegar hann reiðist þá snögg reiðist hann og það fer sko ekkert á milli mála. En hann er jafnfljótur að jafna sig. Þegar hann hefur gert eitthvað af sér og það þarf að skamma hann (eins og t.d. þegar hann slekkur á millistykkjum) þá veit hann um leið að hann hefur gert eitthvað rangt, fer að skæla og vill bara koma í fangið á manni....sætastur...

Snuddur eru aðaláhugamálið sem og bílar, bækur og dýr. Við fengum sendar snuddur um daginn og þegar drengurinn sá þær á stofuborðinu daginn eftir þá var hann svo glaður, kom hlaupandi með þær allar í fanginu og sagði brosandi og stolltur “mamma, dudda” hefði óskað þess að ég hefði náð þessu á teip.

Eva vinkona var að koma ásamt systur sinni og syni hennar. Þær voru að ná í Dag og fara með hann í matarboð. Eva ætlar sem sagt að passa í kvöld, við Guðni erum að fara út að borða á Halastjörninni þar sem við eigum 2ja ára brúðkaupsafmæli á morgun.

Well er að fara að taka mig til.....Over and eating.....Indið

Jæja, það er annaðhvort að skella sér í það að blogga meira eða bara að hætta þessu. Ætla að reyna að halda áfram eitthvað lengur.

Ég er komin í sumarfrí, verð í sumarfríi í maí. Þar sem Guðni þarf hvort sem er að skipta sínu fríi í tvennt ákváðum við að gera þetta svona og hann verður í fríi með mér síðustu 2 vikurnar. Eftir það er komið að rútínu-lífi með dagmömmum/leikskólum, tveim útivinnandi og öllu sem því fyglir. Við höfum bara ekki prufað þetta enþá en þetta verður örugglega spennandi. Annars er ég voðalega glöð núna. Systir Celestína var að hringja í mig og bjóða mér pláss. Ég er voðalega ánægð og er þessvegna liggur eftirfarandi fyrir:

1)                Dagur fer í vistun hjá Karmelsystrum.

2)              Ég ætla að neita leikskólaplássi núna ef það verður í boði

3)              Dagur fær að vera lengur í vernduðu umhverfi

4)              Við komumst þá inn á óskaleikskólann þegar úthlutað verður næst

5)              Við komumst ekki inn til þeirra systra fyrr en 1 ágúst og erum því í algjörri klemmu

6)              Vantar pössun fyrir Dag í júní og fyrstu vikuna af júlí

7)              Get reddað hálfum deginum með mömmu sem yfirpassara en vantar einhvern á hinn helminginn.....HJÁLP

Þó að ég sé í sumarfríi þá skelltum við Dagur okkur í sveitaferð með Naustatjörn í dag. Alltaf gaman að sjá kellurnar mínar og krakkana. Fórum að Stóra-Dunhaga og þar er hún Bogga bóndi og maðurinn hennar. Við byrjuðum í fjósinu, fullt af kúm og 2 grísir í stíu. Dagur muaði allan tíman og var bara nokkuð hugrakkur. Vildi nú samt vera bara í fanginu til að byrja með. Síðan fórum við í fjárhúsið og þar var fullt af rollum og lömbum....Dagur var komin með helling af hugrekki þar og labbaði sjálfur út um allt. Var samt ekki lengi inni....enda úti-strákur mikill.....og var kominn út á tún áður en ég vissi af. Þar dundaði hann sér og undi sér vel, drakk síðan með krökkunum og endaði á því að skella sér á hestbak, Gummi afi verður sko stoltur að heyra þetta Bara gaman að heimsækja Stóra-Dunhaga.

25.03.06

Þá er heldur betur komið að nýju bloggi. Dagur minn varð eins árs á föstudaginn var eða þann 16. (Páll Óskar á líka afmæli þann 16.) Það var bara gaman, við vorum með veislu frá 16 og frameftir kvöldi. Bara fjölskyldan og vinir. Síðan eru pakkar að berast að frá borg óttans og Svíþjóð. Á mánudeginum byrjaði ég svo að vinna. Ég hélt að þetta yrði mun erfiðara en það er í raun. Á alveg von á því að barnavern komi og nái í Dag því að mér finnst bara allt í góðu að vera byrjuð að vinna og komast aðeins út hehehehe. Við erum bara svo heppin að Guðni er í barneignarfríi í mars og apríl og strákarnir eru heldur betur að standa sig vel heima. Ég settti t.d ekkert í vél í síðustu viku, eldaði engan kvöldmat og bjó aldrei um. Jamm hann Guðni er heldur betur að taka þetta í nefið að vera heima.

Veit ekki alveg hversu sáttur Dagur er með það að ég sé ekki heima. Hann hefur verið að taka reiðisköst á pabba sínum svona einu sinni á dag og síðan fer hann í fram í forstofu í hvert sinn sem heyristi í bréfalúgunni. Þegar ég svo loks kem heim þá er legið í fanginu á mér þangað til farið er að borða, baða og sofa. Í gær var hann alveg ránghverfur og var í fanginu á mér allann daginn. Þetta hlítur nú líka að vera erfitt fyrir þessi litlu grey og taka smá tíma að aðlagast

Í vinnunni er líka bara gaman. Sama gamla liðið og sömu gömlu tuggurnar heehehehhe. Talað um það sama á kaffistofunni þannig að þar er eins og maður hefði aldrei farið. Gott að sjá staffið aftur og órtúlegt hvað maður er fljótur að komast inn í vissa hluti. Skólinn er orðinn mun umhverfisvænni og endurvinnslan komin vel af stað eftir að farið var í heimsókn á Selfoss og aðra leikslóla til að forvitnast um framkvæmd endurvinnslu. Bara gaman og flestir ótrúlega duglegir. En auðvita eru sumir ekkert að vesenast í þessu, finnst þetta bara óþarfi að spara vatn, slökkva á tölvum, og setja rusl á viðeigandi staði. Maður verður bara að halda áfram að reyna að vera fyrirmyndi í þessum efnum og vona að maður geti snúið þessum fáu sem ekki eru komnir inn á þessa línu eftir fleiri ár í starfi á leikslóla sem hefur alltaf haft þetta á stefnu sinni. Hér á Akureyri eru leikskólarnir með skýrar stefnur (sumir fara betur eftir þeim en aðrir) og þess vegna er það orðið nauðsynlegt fyrir fólk að athuga hvaða stefnu skólinn aðhyllist áður en sótt er um vinnu. Ég mundi t.d aldrei sækja um á Hólmasól, ekki það að það sé eitthvað slæmur skóli, alls ekki en ég er bara ekki inn á þessari línu. Naustatjörn er bara orðin nokkuð góð í endurvinnslu og umhverfismennt og ég hlakka til að fá liðið frá Landvern í heimsókn og er alveg viss um að við flúgum í gegn og fáum grænfánann fyrr en seinna. Endilega kíkið á heimasíðu Naustatjarnar www.naustatjorn.akureyri.is

Sigrún er núna búin að vera hjá okkur síðan 8. mars en þá var stefnan tekin á Neskaupstað að heimsæka liðið. Alltaf gaman að koma þangað og bara fjör. Sigrún verður svo hjá okkur til 28. og fer þá aftur heim. Það er alltaf voða gaman að hafa hana yfir lengri tíma, þá fær maður innsýn í skólann, lærdóm, vinkonur og fleira. Ég skellti mér í tíma með henni í Síðuskóla og var þar hálfan dag. Bara gaman.

Okkur langar síðan að skella okkur eitthvert um páskanna og erum alveg til í að skipta á íbúðum við einhvern út á landi. Ef það er einhver sem vill bítta þá er um að gera að hafa samband við okkur.

Well over and out

INDA, BACK AT WORK

Hann á afmæli í dag

hann á afmæli í dag

hann á afmæli hann Dagur

hann á afmæli í dag.

Hann er 1 árs í dag

hann er 1 árs í dag

hann er 1 árs hann Dagur

hann er 1 árs í dag.

Við Guðni vorum að pæla í því hvort ekki væri skemmtilegt að skella sér eitthvað um páskana. Við höfum stundum skipt á íbúðum við vinafólk og finnst það bara alveg snilld. Er einhver þarna sem vill skipta??? Það skiptir ekki máli hvar á landinu þið eruð, jú kannski utan Akureyrar...nennum kannski ekki að vera í Huldugili eða Vestursíðu heheheh. Endilega látið okkur vita ef einhver er til í skipti.

Over and out....indið 

05 mars og tíminn bara flýgur. Enn og aftur er helgin búin og að þessu sinni var Sirgún hjá okkur og var með gubbu á sunnudeginum. Vorum bara róleg um helgina, mest úti á þotu og að róla og leika okkur. Höfðum það enn rólegra á sunnudeginum og horfðum á dvd. Sigrún er bara heima í dag að jafna sig og Dagur er að leggja sig og áðan kom svo Borghildur vinkona okkar og verður hjá okkur eitthvað í dag á meðan að mamma hennar er í skólanum.

Ég hef verið að vellta fyrir mér einkanúmerum á bílum. Þetta er eitthvað sem er ekki fyrir mig. Mér finnst allt í lagi þegar fólk er að setja gamla bílnumerið á nýjar plötur en ég veit ekki með rest. Langar ekki í plötu sem stendur á INDA eða GUÐNI, jú kannski ef ég gæti verið framaná og Guðni aftaná heheh. Síðan eru til fullt af liði sem eru með plötur eins og 64ALL og 64U og allskonar tvíræða hluti og síðan eru þeir sem voru ekki alveg að hugsa þegar númerin voru gerð. Það er t.d einn hér á Akureyri, gamall kall sem heitir örugglega Gunnar Örn og hann er með einkanúmerið G-ÖRN og mér finnst það bara alveg snilld.

Over and out….Inda

p.s setti inn nýjar myndir í dag í marsalbúm